Ga Be Fanay e JW Library, Fa?

JW Library e reb e app ara (software application) ndariy puluwon nrayog ni ngam downloadnag e Bible riy nge ku boch e babyor rodad, ara video, ara boch ban’en ni kan ngongliy ni ngan motoyil ngay ko phone, ara tablet, ara computer.

ROGON NI NGE YAG E RE N’EY NGOM: Mman nga online, mag installnag e JW Library u reb e app store. Boor e phone, ara tablet nrayog ni ngan tay e re app ney ngay. Nap’an ni ga bay u online, mag yan ko re app ney mag mel’eg e pi n’en ni bay riy ni ga baadag ni ngam downloadnag ko phone ara tablet rom. Faanra dariy e Internet u tabinaw rom, ma rayog ni ngam fanay e Internet u Kingdom Hall ara yugu bang. Nap’an ni ga ra downloadnag boch ban’en ni bay ko re app ney ko phone ara tablet rom, ma daki t’uf ni ngam man ko Internet ni ngam guy e pi n’en ni kam downloadnag. Bochan ni gubin ngiyal’ ni yibe tay boch ban’en nib beech ko re app ney ni ka nog e JW Library ngay, mab fel’ ni ngaum man nga online ya nge yag nim updatenag e app rom u nap’an ni yira tay boch e update nib beech ngay.

MANG FAN NI NGAM GUY ROGON NGE YAG NGOM? Ra bay e JW Library ko phone ara tablet rom, ma rayog ni nge ayuwegem u nap’an ni ga be fil e Bible ni goo gur ngu nap’an e pi muulung ni gad ma tay. Ku rayog ni nge ayuwegem e re app ney u nap’an e machib, nib ga’ nu nap’an ni ga be machib u fithik’ e sabethin.