Rogon ni Ngan Fanay e JW Library

FAN KO FOL BIBLE:

• Ngam beeg e Bible nge thin nu Bible ni fan ko yu rran

• Ngam beeg e Yearbook, nge pi magazine, nge ku boch e babyor. Rayog ni ngam tay e bookmark ko pi n’en ni ga be beeg

• Ngam fal’eg rogom ni fan ko pi muulung ni gad ma tay, mag highlightnag e fulweg rom

• Ngam yaliy boch e video

NAP’AN E MUULUNG:

• Rayog ni ngam yaliy e pi thin nu Bible ni be yog e en ni be pi’ e welthin ni ngan beeg. Rayog ni ngam fanay fare history feature ni ngam sul nga reb e thin nu Bible ni ka um beeg

• Rayog ni ngam fanay e tablet rom u nap’an e muulung ko bin ni ngam fek boor ken e babyor ko muulung, maku rayog ni ngkum yaliy e pi tang riy. Fapi tang rodad ni kab beech ndawor ni tay nga lan babyoren e tang rodad e goo bay ko re app ney ni ka nog e JW Library ngay

NAP’AN E MACHIB:

• Faanra kam mada’nag be’ ni baadag e machib, ma rayog ni ngam dag ban’en ngak ko fare JW Library, mu kum ayuweg ni nge downloadnag e re app ney nge pi n’en ni bay riy ko tablet ara phone rok

• Rayog ni ngam fanay fare search feature riy ni ngam gay reb e thin nu Bible. Faanra kam gay ban’en ma dariy u lan fa ken ni kab beech e Bible ni New World Translation, ma rayog ni ngam man ko fare Reference Bible ni ku bay ko re app ney ni ngam yaliy e re n’ey riy

• Mu pag reb e video ni nge guy be’. Faanra bay e bitir rok faen ni kam mada’nag u nap’an e machib, ma rayog ni ngam pag reb fapi video nge guy ni kenggin e Become Jehovah’s Friend. Maku reb e rayog ni ngam dag fare video ngak ni kenggin e Mang Fan ni Ngam Fil e Bible? ya nge yag ni adag ni nge fil e Bible. Faanra ba thil e thin rok facha’ ni kam mada’nag, mag dag reb e video ngak ni kan pilyeg ko thin rok

• Mu dag reb e thin nu Bible ngak be’ ni kam mada’nag u nap’an e machib ni kan pilyeg ko thin rok ni ga be fanay e pi thin ni kam downloadnag e Bible riy ko app rom. Mman ko fare thin nu Bible, ngemu’ mag tapnag reb e verse, ngemu’ mag yan ko fare icon ni bay u lang nra dag ngom fare thin nu Bible u yugu reb e thin