Ngad Mon’oggad ko Machib​—Rogon ni Ngan Fanay e Pi Video ni Ngan Fil Ban’en ngak Be’

FAN NIB GA’ FAN:

Bochan ni baadag e girdi’ ni ngar yaliyed e pi video mar rung’aged e thin riy ma aram fan nrayog ni nge taw e thin riy nga gum’ircha’rad. Ma re n’ey e ra ayuwegrad ni ngar tiyan’rad ko n’en ni kar guyed ya nge dab ra paged talin. Ke dag Jehovah e bin th’abi fel’ e kanawo’ u rogon ni ngan fanay boch ban’en nrayog ni ngan guy me yag ni ngan fil ban’en riy.​—Ac 10:9-16; Re 1:1.

Fapi video ni kenggin e Does God Have a Name?, nge Who Is the Author of the Bible?, nge How Can We Be Sure the Bible Is True? ni thin nu Meriken e ku rayog ni ngkun fanay u nap’an ni yira guy e guruy ni 2 nge 3 ko fare babyor ni kenggin e Thin nib Fel’. Fapi video ni kenggin e Mang Fan ni Ngam Fil e Bible?, nge Mang e Yima Rin’ u Nap’an e Fol Bible?, nge Mang e Yima Rin’ ko Pi Tagil’ e Liyor Romad? e ma pi’ e athamgil ngak e girdi’ ni ngar uned ngodad ko fol Bible ara ngar uned ko pi muulung u Kingdom Hall. Maku bay yugu boch e video nrayog ni ngad fanayed u nap’an ni gad be fil e Bible ngak be’.​—km 5/13 3.

ROGON NI NGAN RIN’:

• U m’on riy mag downloadnag e pi video ni ga baadag ni ngam pag

• Mu lemnag taareb ara l’agruw e deer ni ir e ga ra fith ni bay e fulweg riy ko fare video ni ga ra pag ni nge guy

• Mu yaliyew fare video u taabang

• Mu weliyew e tin nib ga’ fan riy

MU GAY ROGON NI NGAM RIN’ E RE N’EY:

• Mu pithig nga wuru’ reb fapi tract ma gog ngak nrayog ni nge scannag fare code ni faanra baadag ni nge yaliy fare video ni kenggin e Mang Fan ni Ngam Fil e Bible?

• Mu pag fare video ni kenggin e How Can We Be Sure the Bible Is True? mag pi’ fare babyor ni Thin nib Fel’ ni ga be tamilangnag e guruy ni 3