Nga Mu Fanay e Tin ni Ngan Guy ni Ngam Skulnag e Girdi’
1. Uw rogon ni i fanay Jehovah e tin ni ngan guy ni nge skulnag e pi tapigpig rok nkakrom, ma mang angin ni yib riy?
1 Ra nge tamilangnag Jehovah e tin baga’ fan ngak e girdi’ nkakrom, ma i tay ni ngan likay ara ke piliyeg e changar nge guy ban’en. Amu lemnag e karrow rok Jehovah ni i guy Ezekiel. (Ezek. 1:1-28) Maku amu lemnag Daniel u tomren ni i likay u murung’agen e gagiyeg nra tay e pi nam u fayleng. (Dan. 7:1-15, 28) Ma uw rogon e pi n’en ni i dag ku apostal John ni bod ba “pow” u murung’agen e pi n’en nra m’ug u nap’an e “Chirofen ni Rran Rok Somol”? (Rev. 1:1, 10) I skulnagrad Jehovah nga rogon ni bay raen riy nge gelngiy, ma aram me m’at nga lanin’rad.
2. Mang e tin ni ngan guy nrayog ni ngam fanay nge fil e tin riyul’ nu Bible ngak e girdi’?
2 Faanra gad baadag ni ngad filed e thin riyul’ nu Bible ngak e girdi’ ni dabra paged talin, ma ngad fanayed e pi video ni ngad skulnaged yad. Boor ban’en riy ko pi video rodad nra ayuwegrad nge mich u wan’rad e Bible, nge ulung rok Jehovah, nge machib ni ma ayuweg e par rok e piin ni Kristiano. Nga mu lemnag boch e kanawo’ ni ngam fanay e pi video rodad ngad skulnaged e girdi’. Baaray boch e video nrayog ni ngan fanay.
3. Mang nrayog ni ngam fanay ni ngam pow’iy e Bible study rom ko fare ulung?
3 Machib u Mit e Tabinaw: Kam mu weliy u murung’agen e ulung i walag ni Kristiano rodad ngak e Bible study rom fa? Mu dag e ulung ngak ko fare video ni Our Whole Association of Brothers. Nga mu pi’ ngak ni nge guy u m’on ko bin migid e fol Bible ara ngam guyew e video u taabang u nap’an e fol Bible. Nge mu’ ma ga sul nga daken e pi deer ni bay ko Machib Rodad Ni Fan Ko Gil’ilungun Got ko June 2002.
4. Mang boch talin e maruwel nrayog ni nge fanay e piin ni fel’ yangaren u skul?
4 Piin ni fel’ yangaren, nga mu weliy ngak e sensey rom ma ga guy rogon ni ngam dag e video ni Jehovah’s Witnesses Stand Firm Against Nazi Assault ara Faithful Under Trials—Jehovah’s Witnesses in the Soviet Union. Mog ngak nrayog ni ngam fl’eg e babyor ni bay e deer riy, nge deeriy ni bod rogon e skul. Ngam guy e pi deer ko Machib Rodad Ni Fan Ko Gil’ilungun Got ko June 2001 nge February 2003.
5. Bin ngan e video nrayog ni nge fanay e piin ni gallabthir ko tabinaw rorad?
5 Ko Girdien e Tabinaw nge Piin ni Tafager: Piin ni gallabthir, nga mu lemnag rogon ni ke ilal e bitir rom ni ka nap’an e ngiyal’ ni kan fl’eg fare video ni Young People Ask—How Can I Make Real Friends? Mang ni dabmu guyed girdien e tabinaw rom biyay ko bin migid e fol Bible ko tabinaw rom? Fare Machib Rodad Ni Fan Ko Gil’ilungun Got ko April 2002 e bay e pi deer riy nra ayuwegem ngam fl’eg e fol Bible ko tabinaw rom nib fel’ rogon.
6. Uw rogon ni ngam yarmiy ba ngiyal’ nra ubingmed e pi tafager rom?
6 Bay boch e fager rom u lan e ulung ni ga baadag ni ngam piningrad ngar bad ko tabinaw rom fa? Ran ubingmed ni ngam guyed e video ni Respect Jehovah’s Authority u taabang, ma ri rayog ngomed ni faan gimed ra sul u daken e pi deer ni bay ko Machib Rodad ni Fan ko Gil’ilungun Got ko September 2004.
7. Ku uw rogon nrayog ni ngam fanay e pi video ni bay rodad?
7 Ko Yugu Ba Ngiyal’ Nrayog Riy: Ku uw rogon nrayog ni ngam fanay 20 e video ni bay? Faanra ga ra dag taareb fa l’agruw e video ngak be’ ni ga ma guy u gubin e wik ma ra ayuweg ni nge mon’og iyan ko tirok Got ban’en fa? Rayog ni ngam dag e pi video u reb e nursing home ara tabinaw ko piin ni pillibthir? Fapi video e ra ayuwegem nge tay fam e girdi’ rom nde mich Jehovah u wan’rad, piin buguliy yoror rom, nge piin u taban e maruwel rom fa? Pi video rodad e ra pug e tafinay rok e girdi’, ma ra skulnagrad, ma ba ayuw nra k’aring ni nge yib angin riy. Ere mu fanay e pi video ni ngam skulnag e girdi’.