Rogon ni Ngan Fanay Fapi Video ni Fan ko Fol Bible

Bay aningeg e video ni fan ko fol Bible ni gad ma fanay u nap’an e machib. Mang fan ni kan ngongliy e pi video ney?

• 

  Fare video ni Mang Fan ni Ngam Fil e Bible?​—Ga’ngin e kan ngongliy ni nge k’aring e girdi’ ni nge adag ni nge motoyil ko thin nu Bible ni yugu demtrug e n’en nib mich u wan’rad. Be pi’ e athamgil nga laniyan’ e girdi’ ni ngar gayed e fulweg u boch e deer nib ga’ fan ni murung’agen e yafos rodad u lan e Bible, maku be pi’ e fulweg u boch e pi deer ney. Ku be weliy rogon nrayog ni nge yog be’ ni nga nib ni fil e Bible ngak.

• 

  Fare video ni Mang Fan ni Ngam Fil e Bible? (kan ngochnag) e ku bod e bin baaram ni kan ngongliy ni ga’ngin, machane kemus ni kan ngochnag. Rayog ni nge yib angin ko gin yima machib riy ndariy e tayim ko girdi’ ni ngar nonad nib n’uw nap’an.

• 

  Fare video ni Mang e Yima Rin’ u Nap’an e Fol Bible? e kan ngongliy ni nge k’aring e girdi’ ni ngar adaged ni ngar uned ko fol Bible ni gad ma tay ndariy puluwon, maku be pi’ e fulweg u boch e deer ni ma fith e girdi’ u murung’agen e re n’ey nib muun ngay rogon nrayog ni nge yog be’ ni nga nib ni fil e Bible ngak.

• 

  Fare video ni Welcome to Your Bible Study e kan ngongliy ni ngan dag ko piin yad ma fil e Bible. Yugu aram rogon ni bay e re video ney ko bin l’agruw e page ko fare ke babyor ni Mu Par Ndariy N’umngin Nap’an ni Gab Felfelan’!, machane ku rayog ni ngan dag u nap’an ni yibe weliy e n’en bay ko fare brochure ni Mu Par Ndariy N’umngin Nap’an ni Gab Felfelan’! Re video ney e be weliy e n’en bay u lan e re ke babyor ney, maku ra ayuweg e en yibe fil e Bible ngak ni nge nang boch ban’en ni yira weliy u nap’an e fol Bible.

Yugu aram rogon nra reb e pi video ney ma bay fan ni kan ngongliy, machane demtrug reb nrayog ni ngan pag ara ni sendnag ko girdi’ ko ngiyal’ nib puluw ni ngan rin’ riy. Yibe pi’ e athamgil nga laniyan’ e pi walag ni ngar guyed rogon ni ngar nanged e n’en bay ko pi video ney, mu ur fanayed u nap’an e machib.