Web Site Rodad​—Kan Ngongliy ni Nge Fel’ Rogodad Riy nge Boch e Girdi’

Ke tay Jesus chilen ngodad ni ngad machibnaged fare thin nib fel’ u murung’agen Gil’ilungun Got u “gubin yang u fayleng ni nge urngin e girdi’ me nang.” (Matt. 24:14) Ere kan puthuy fare watchtower.org, nge jw-media.org, nge jw.org nga taabang ke mang jw.org Web site ni fan e nge yag nda ‘ngongliyed urngin e maruwel ni kan pi’ ngodad’.​—2 Tim. 4:5.

“Gubin Yang u Fayleng”: Taab guruy u dalip guruy ko girdi’ nu fayleng e yad ma fanay e Internet. Boor e girdi’ nib ga’ ni piin fel’ yangaren e yad ma yan ngay ni nge yag boch e tamilangan’ ngorad. Ma Web site rodad e ma ayuweg e girdi’ ni ngar nanged e fulweg ko pi deer rorad u murung’agen e Bible. Ku ma ayuwegrad ni ngar nanged murung’agen e ulung rok Jehovah maku ma momnag ngorad ni nga rogned ni nge yib be’ i fil e Bible ngorad. Re n’ey e ke momnag ni nge wer fare thin nib fel’ ko pi binaw nib mo’maw’ ko girdi’ riy ni ngar rung’aged e machib u murung’agen Gil’ilungun.

“Urngin e girdi’”: Ra nge nang e “girdi’” fare thin nib fel’ ma thingar da machibnaged u boor mit e thin. Girdi’ ni ma yan ko jw.org e rayog ni ngar guyed sogonap’an 400 mit e thin, ma ka boor e thin ni bay riy ko urngin e Web site ni ba’.

Ngam Fanay nib Fel’ Rogon: Fan ni kan ngongliy fare Web site ni jw.org e gathi kemus ni ngan machibnag e girdi’ ni gathi tapigpig rok Jehovah. Ya kun ngongliy ni fan e nge fanay e Pi Mich Rok Jehovah. Faanra bay e Internet rom, ma gamad be pi’ e athamgil nga lanin’um ni ngam fil rogon i fanay fare jw.org. Baaray boch e kanawo’ u rogon ni ngan fanay e re n’ey.

[Yaan Boch Ban’en ko page 3]

(Mu guy e re ke babyor ney ni ngam nang rogon yaan e re n’ey)

Mu Gay Rogon

1 Mu typenag e www.jw.org ko gin ni yima tay e address ngay ko computer rom.

2 Mman ko headings, nge menu, nge links.

3 Mu fanay fare jw.org ko cell phone rom ni faanra rayog ni ngam man riy ko Internet. Kan ngongliy nrayog ni nge m’ug ko screen nib achig.