“Boch e Kanawo’ ni Ngan Wereg Riy e Pi Magazine . . .”

Gubin e pul, ma bay reb e welthin ko Service Meeting rodad u murung’agen rogon ni ngan wereg e pi magazine rodad. Re welthin ney e kan fal’eg ni gathi bochan e ngan sul nga daken e pi n’en ni bay u lan e pi magazine, ya ngan weliy murung’agen boch e kanawo’ u rogon ni ngan wereg e magazine. Ere, fare walag nra pi’ e re welthin ney e nge yog e tin som’on e thin ndabi yoor nra ayuweg e pi walag ni ngar guyed feni ga’ fan e pi magazine ney. Tomur riy, ma ra pining boch e girdi’ ni nga rogned boch e thin ni bay rogon nga reb e article (ara boch e article) nra dag e kanawo’ u rogon ni ngan fol riy. Ma urngin e girdi’ e rayog ni ngar motoyilgad ko pi n’en ni yibe weliy mar yoloyed nga but’ e pi n’en ni yad baadag ni ngar fanayed. De t’uf ni nge pining e girdi’ ni ngar weliyed urngin e thin ni nga rogned ngak e girdi’, ya kemus ni nga nog boch e deer nrayog ni nge pug e tafinay rok e girdi’ ma ngku nog boch e thin nu Bible ni ngan beeg. Ma bin tomur e ngan dag rogon ni ngan rin’. Ere yibe pi’ e athamgil nga lanin’dad ni ngad beeged e pi magazine rodad u m’on ko muulung ma rayog ni ngad weliyed lanin’dad u nap’an ni yibe pi’ e re welthin ney. Faanra fal’eg urngin e girdi’ rogorad, ma riyul’ nra ayuwegdad e re welthin ney nge yag ni ngad ayuweged gadad.—Prov. 27:17.