Boch Ban’en Nrayog ni Nga Nog

Fare Wulyang ko Damit May 1

“Faanra rayog rom ni ngam chuweg reb ko pi magawon ni gad be mada’nag e ngiyal’ ney, ma bin ngan e ga ra chuweg? [Mmotoyil ko n’en nra yog.] Rogon ni be yog e Bible e dabki n’uw nap’an me chuweg Got e re magawon nir nge tin ni ka bay e magawon. [Mmel’eg reb e thin nu Bible ni ngam beeg ni bay rogon ko re magawon nem ni bod e Daniel 2:44; Proverbs 2:21, 22; Matthew 7:21-23; ara 2 Peter 3:7.] Re magazine ney e be weliy e ngiyal’ nge rogon nra chuweg Got e pi magawon rodad ya nge yag ni nge fel’ e par rodad u roy u fayleng boch nga m’on.”

Thin Nib Fel’ Ni Yib Rok Got!

“Gamad be guy girdien e pi tabinaw ko birom e binaw ya nggu daged boch e thin nu Bible nrayog ni nge pi’ e athamgil nga lanin’dad. Boor e girdi’ ni kug nonad ngorad ni yad ma lemnag ko mang fan ni fare Got ni ma t’ufegey e ke pag e girdi’ ni ngar gafgowgad nib gel. Gur, gafgow ni ma yib ngodad e bang ko tin nib m’agan’ ngay aram ko tabolngin?” Mmotoyil ko n’en nra yog. Mag pithig ko guruy ni 5, mi gimew weliy e gal nsom’on e paragraph nge thin nu Bible riy ni kan yoloy nib thig. Mu pi’ fare brochure, ma ngam weliyew ko wuin e ngam sul ngam weliyew e bin migid e deer ni kan yoloy nib gel ramaen.