Boch Ban’en Nrayog ni Nga Nog

Fare Wulyang ko Damit January 1

“Uw rogon u wan’um, ga be lemnag nra fel’ boch rogon e par u roy u fayleng ni faanra gubin e girdi’ e yad ra fol ko re kenggin e motochiyel ni baaray? [Mu beeg e Hebrews 13:18, mmotoyil ko n’en nra yog.] Be pi’ e Bible e athamgil nga lanin’dad ni ngad yul’yul’gad u gubin ban’en. Biney e babyor e be weliy rogon ni yul’yul’ ni gad ma tay e bay rogon ko pi n’en ni gad ma rin’ u lan e yafos rodad.”

Fare Wulyang ko Damit January 1

“Bay boch e girdi’ ni yad ma lemnag ni dabiyog ni ngan par ni yib yul’yul’ ni gubin ngiyal’. Mang fan ni ga be lemnag nib mo’maw’ ni ngaun par ni yib yul’yul’ ni gubin ngiyal’? [Mmotoyil ko n’en nra yog.] Bay boch e thin u lan e Bible nrayog ni nge ayuwegdad u rogon ni ngad pared ni gadad ba yul’yul’ u fithik’ urngin ban’en ni gad ma rin’. [Mu beeg e Filippi 4:6, 7.] Re babyor ney e be tamilangnag e pi tow’ath nra yag ngak e en nra athamgil ni nge par nib yul’yul’.”

Thin nib Fel’ ni Yib rok Got!

“Ku gub ni ngad weliyew murung’agen e n’en ni be magafan’ e girdi’ ngay ni fan ko re fayleng ney nge n’en nra buch boch nga m’on. Uw rogon u wan’um, rayog ni nge fel’ boch rarogon e fayleng, fa? [Mmotoyil ko n’en nra yog.] Boor e girdi’ e kar gingad ngay u nap’an ni kar nanged ni bay e thin nib fel’ u Bible nrayog ni nge pi’ e athap ngodad. Baaray boch e deer ni be pi’ e Bible e fulweg riy.” Mu pi’ reb e brochure ngak, ma gog ngak ni nge mel’eg reb e deer nri baadag ni bay u keru’ fare brochure. Mag pithig ko fare guruy ngam dag ngak rogon e fol Bible. Mu yarmiy ni ngam sul ngak ngam weliyew e bin migid e deer ko fare guruy.”