Boch Ban’en Nrayog ni Nga Nog

Rogon ni Ngan Tabab i Fil e Bible Ngak Be’ ko Bin Som’on e Sabado ko Pul ni January

“Boch e matam e yad ma lemnag ni boor ban’en nib t’uf ni ngar rin’ed ya nge yog nra chuguliyed pi fakrad nib fel’ rogon. Ma boch e matam e yad ma lemnag ni kemus ni chugum e ba t’uf ni ngar yognaged ni fan ngak pi fakrad. Me gur e uw rogon u wan’um?” Mmotoyil ko n’en nra yog. Ngemu’, mag pi’ ngak fare Wulyang ko Damit ko December 1, mi gimew weliy reb ko fa dalip i magawon ni bay murung’agen ko page 30. Mag beeg e Matthew 3:17 ni be weliy e n’en nib fel’ ni ke rin’ Jehovah. Mu pi’ fare babyor ngak ma ga yarmiy e rofen ni ngkum sul ngam weliyew reb e thin ni bay riy.

Fare Wulyang ko Damit December 2011

“Ma lemnag boch e girdi’ ndaki m’ag ngodad e n’en ni be weliy e Bible u murung’agen e par ko pumoon nge ppin, ma kaygi mo’maw’. Ma boch e girdi’ e yad ma lemnag nib puluw. Me gur e uw rogon u wan’um? [Mmotoyil ko n’en nra yog.] Mu tay fanam i yan ko n’en ni be yog e Bible u murung’agen e gin ni ke yib e pi motochiyel nu Bible riy. [Mu beeg e 2 Timothy 3:16.] Re ke babyor ney e be pi’ e fulweg u ragag e deer ni yima fith u murung’agen e par ko pumoon nge ppin. Ku be weliy rogon nra yib angin e pi motochiyel nu Bible ngodad.”

Fare Wulyang ko Damit December 2011

“Faanra ga baadag ni ngari fel’ thilmew be’, ma kemus ni goo tin ni ga baadag e ra um weliy murung’agen ngak, fa? [Mmotoyil ko n’en nra yog. Mag beeg e Filippi 2:4.] Ba mudugil ni baadag e piin gallabthir ni ngar chugurgad ngak pi fakrad. Re article ney ni tabab ko page 30 e be weliy rogon nrayog ni nga i par e pi matam nge pi fakrad nib fel’ thilrad.”