Ngad Mon’oggad ko Machib—Rogon ni Ngad Tababniged e Fol Bible ngak Be’ ni Kad Mada’niged u Tabinaw Rok ni Gad Be Fanay e Thin nib Fel’ ni Yib rok Got!
Fan nib Ga’ Fan: Faanra ngad ayuweged e girdi’ ni ngar bad ko tin riyul’ mab ga’ fan ni ngad nanged rogon ni ngad filed e Thin rok Got ko girdi’. (Matt. 28:19, 20) Gadad gubin nrayog ni ngad filed e thin ko Bible ko girdi’ nib fel’ rogon ni gad be fanay e pi talin e maruwel ni kan pi’ ngodad. Kan ngongliy fare babyor ni kenggin e Thin nib Fel’ ni Yib rok Got! ni nge ayuwegdad u rogon ni ngad rin’ed e re maruwel ney. Ma bin riyul’ riy e, som’on ni kad mada’niged be’ u tabinaw rok ma rayog ni ngad fanayed e re babyor ney ni ngad tababniged e fol Bible.
Mu Gay Rogon ni Ngam Rin’ e Re N’ey u Lan e Re Pul Ney:
Mmeybil ngak Jehovah ni nge ayuwegem ni ngam adag ni ngam tababnag e fol Bible ngak be’. Miki ayuwegem ni ngam pirieg be’ nrayog ni ngam fil e Bible ngak nge rogon ni ngam weliy e thin ko Bible nib fel’ rogon.—Fil. 2:13.
Nap’an e fol Bible ni tabinaw ara nap’an ni ga be fil e Bible ni yigoo gur, mab fel’ ni ngam nang e n’en ni nga mog u nap’an ni ngam pi’ e re brochure ney ku be’. Ma aram e rayog ni ngam tababnag e fol Bible ngak be’ u fithik’ e pagan’.