PI N’EN NI MA RIN’ E PIIN KRISTIANO
Ireray e Bin Th’abi Fel’ Kanawoen e Yafos
Boor e maruwel nrayog ni nge un e piin nib fel’ yangaren ngay u lan e ulung rok Jehovah. Ngan yaliy fare video ni kenggin e The Best Life Ever ni ngan guy rogon ni ke dugliy Cameron e tin nib fel’ ni nge rin’ u nap’an ni kab fel’ yangaren. Ngemu’, min pi’ e fulweg ko pi deer ni baaray. (Mman ko jw.org, ma ga yan ko fare thin ni kenggin e BIBLE TEACHINGS > TEENAGERS.)
Mang reb e ban’en nib ga’ fan u lan e yafos rok Cameron?
Mingiyal’ e dugliy ni nge yoornag e tayim ni nge un ko fare maruwel ni machib, ma uw rogon ni ke rin’ e re n’ey?
Mang boch ban’en ni rin’ ya nge yag ni nge machib ko yungi n’en nib t’uf e ayuw riy?
Nnap’an ni machib Cameron ko re binaw nem, ma mang boch e magawon ni mada’nag?
Mang angin nra yib ngodad ni faan gad ra un ko machib u reb e binaw nib thil ko gin ni kad mechamgad ngay?
Mang boch e tow’ath ni ke yag ngak Cameron?
Mang fan ni pigpig ni gad ma tay ni fan ngak Jehovah e ra ayuwegdad ni nge yag e bin th’abi fel’ kanawoen e yafos ngodad?
Ku mang boch e maruwel ni bay nrayog ni nge un e piin nib fel’ yangaren ngay u lan e ulung rok Jehovah?