Rogon ni Ngad Weliyed e N’en ni Ke Mich u Wan’dad u Murung’agen e Duw ni 1914

Be pi’ e Bible e athamgil nga lanin’dad ni ngad “pied e fulweg ko n’en nra fith be’ ngodad” u murung’agen e pi n’en ni ke mich u wan’dad. Machane, thingar da “rin’ed u fithik’ e sumunguy nge ta’ fan.” (1 Pet. 3:15, 16) Riyul’ nsana ba mo’maw’ ni ngad weliyed murung’agen e tin riyul’ u lan e Bible. Bod nsana ba mo’maw’ ni ngad weliyed rogon ni kad nanged ni ke tabab Gil’ilungun Got ko gagiyeg ko duw ni 1914. Kan ngongliy fare article ni kenggin e “Gimew Be Non’ Be’ ni Kam Mada’nag u Nap’an e Machib​—Wuin e Tabab Gil’ilungun Got ko Gagiyeg?” ni l’agruw e guruy riy, ni bochan e nge ayuwegdad. Nap’an ni ga be fil e gal article ney, ma ngam yaliy e pi deer ni baaray ni kan fith u murung’agen Cameron.

Uw rogon ni ke . . .

• yog boch ban’en ni be rin’ facha’ nib fel’ ya nge yag nra ululgow ko non?​—Acts 17:22.

• dag e sobut’an’ u nap’an ni be weliy e pi n’en ni ke mich u wan’?​—Acts 14:15.

Mang nib fel’ ni . . .

• ke non buchuuw ngemu’ me tal nge sul u daken e n’en ni ke weliy u m’on ni nge yan ko bin migid?

• ke non buchuuw me tal nge fith facha’ ni yow be non ko ke nang fan e n’en ni yow be weliy fa dawo’?

• de weliy boor ban’en taab yay?​—John 16:12.

Ri gad be pining e magar ngak Jehovah ni “ir” e bin th’abi Ga’ e Sensey rodad, ni bochan e ma fil ngodad rogon ni ngad filed e tin nib toar fan e machib u Bible ko piin ni yad baadag ni ngar rung’aged!​—Isa. 30:20.