Mu Pagan’um ngak Jehovah Mag Rin’ e Tin nib Fel’

“Dabi awan’um ngak e piin ni yad be ngongliy e kireb”

37:1, 2

• Dab mu pag e fel’ rogon ko girdi’ nib kireb ni nge magawonnag e pigpig ni ga be tay ngak Jehovah. Mu tiyan’um ko pi n’en ni ga be nameg ni bay rogon ko tirok Got ban’en nge pi tow’ath ni ke yag ngom

“Um par ni Somol e ke pagan’um ngak, mu um rin’ e tin nib fel’”

37:3

• Mu pagan’um nra ayuwegem Jehovah ko pi n’en ni be maruwar lanin’um ngay ara pi magafan’ rom. Ya ra ayuwegem ni ngam par ni gab yul’yul’

• Mu par ni ga be tiyan’um ko fare maruwel ni ngan machibnag fare thin nib fel’ ni murung’agen Gil’ilungun Got

“Ngar mu adag Somol me fel’ u wun’um”

37:4

• Mu tay e tayim ni ngam beeg e Thin rok Got mag fal’eg i lemnag ni ga be nameg ni ngam nang Jehovah nib fel’ rogon

“Mu piem ngak Somol”

37:5, 6

• Nge pagan’um ngak Jehovah nra ayuwegem ni yugu demtrug e magawon ni ga ra mada’nag

• Mu par nib fel’ e ngongol rom u nap’an ni ga ra mada’nag e togopuluw, ara gafgow, ara u nap’an nra weliy be’ ban’en nde puluw u murung’agem

“Mu par u p’eowchen Somol ni ke pagan’um ngak, ma ggum’an’nigem nguum sonnag ni nge ngongol”

37:7-9

• Dab mu gur ni ngam rin’ boch ban’en ni faanra dawor mu fal’eg i lemnag ya re n’ey e rayog ni nge k’aringem ni nge dab kum felfelan’ me palog e tha’ u thilmew Jehovah

“Piin ni yad mmunguy e bay ra pired u daken e nam”

37:10, 11

• Mu par nib sobut’an’um, mag sonnag Jehovah ni nge chuweg e ngongol nde mat’aw ni ga be mada’nag

• Mu ayuweg e pi walag mag fal’eg laniyan’ e piin ni ke kireban’rad ni aram e ga be weliy ngorad murung’agen fa bin nib beech e fayleng ni bay boch nga m’on ni ke micheg Got ni fan ngodad