“Mu Pagan’um ngak Somol u Polo’ i Lanin’um”

Bay rogon ni nge pagan’dad ngak Jehovah u polo’ i gum’ircha’dad. Rayog ni nge pagan’dad ngak nra lebguy e pi n’en ni ke micheg ni bochan ni aram fan e re ngachal rok nem. Ma meybil ni gadad ma tay ngak e rayog ni nge gelnag e pagan’ rodad ngak. Be pi’ e Proverbs guruy ni 3 e pagan’ ngodad nra tow’athnagdad Jehovah ni bochan nib pagan’dad ngak ni aram e ra ‘dag ngodad e bin nib mat’aw e kanawo’.’

Be’ ni ma lemnag ni ir e ba gonop e ma . . .

3:5-7

• dugliy ni nge rin’ boch ban’en u m’on ni nge fal’eg i gay e n’en nib m’agan’ Jehovah ngay

• pagan’ ko birok e lem ara lem ko re fayleng ney

Be’ ni ma pagan’ ngak Jehovah e . . .

• ma guy rogon ni nge chugur e tha’ u thilrow Jehovah u daken e fol Bible ni ma tay, ma ma fal’eg i lemnag e n’en ni ma beeg, nge u daken e meybil

• u m’on ni nge dugliy ban’en ni nge rin’ ma ma fal’eg i gay e pi kenggin e motochiyel u Bible nrayog ni nge pow’iy