Ga Be Fanay e Pi JW.ORG Contact Card, Fa?

Rib ga’ fan e machib ni gad be tay ni bochan e ke chugur fare gafgow nib ga’. (Pr 24:11, 12, 20) Ere, rayog ni ngad fanayed e pi contact card ney ni ngad ayuweged e girdi’ ni ngar adaged ni ngar filed e n’en ni bay ko Thin rok Got mar adaged ni ngar yaliyed e pi n’en ni bay ko fare website rodad. Bay e code ko re card nem nrayog ni ngam scannag ma ra m’ug fare video ni kenggin e Mang Fan ni Ngam Fil e Bible? Ku rayog ni nga mog ni ngan fil e Bible ngom ara ngkum gay yugu boch ban’en. Bay boch e girdi’ ni dubrad ni ngar feked e pi babyor rodad, machane ba m’agan’rad ngay ni ngar yaliyed e pi n’en ni bay ko fare website rodad. Ere, dab da magawongad ni ngad pied reb e pi card ney ngorad. Machane, susun dab da pied ngak be’ ndabun e machib.

Nap’an ni ga be rin’ e pi n’en ni ga ma rin’ u reb e rran ngu reb ma rayog ni ngam ayuweg e girdi’ ni ngar adaged ni ngar feked bang e pi card ney ni aram e nge lungum: “Baaray ban’en ni gu baadag ni nggu pi’ ngom. Re card ney e ra ayuwegem ni ngam man ko re website ney ni bay boch e video riy ni bay murung’agen boor ban’en riy nge ku boch ban’en nrayog ni ngam guy ndariy puluwon.” (Joh 4:7) Bochan nib achig e pi card ney ma aram fan nib mom ni ngaum fek ngam pi’ ko girdi’.