Be Weliy e Bible Murung’agen Reb e Ppin nib Manigil

Proverbs guruy ni 31 e bay riy boch e fonow nib ga’ fan ni yog e chitiningin Lemuel ni Pilung ngak. Pi fonow rok nem e fil ngak rarogon be’ nib pin nib manigil ni ir e nge gay ni nge leay.

Reb e ppin nib manigil e rayog ni nge pagan’uy ngak

31:10-12

• Nap’an ni yira puruy’nag boch ban’en ni fan ko fare tabinaw, mab ga’ ni ma yog boch ban’en nrayog ni nge yib angin ngak chon e tabinaw rok u fithik’ e sobut’an’ nge tayfan

• Ba pagan’ e pumoon rok ngak nra dugliy boch ban’en nib fel’ ni fan ko fare tabinaw rorow, ma der lemnag ni gubin ngiyal’ ma nge fith fare ppin rok ngak ko rayog ni nge rin’ boch ban’en fa dabiyog

Reb e ppin nib manigil e ir be’ nib ta maruwel

31:13-27

• Ma gay rogon ni nge ayuweg e salpiy, mab fel’ u wan’ e tin ni bay rok, ma ma guy rogon ni nge par girdien e tabinaw rok nib beech mab yaram e mad rorad, mab fel’ e ggan ni ngar ked

• Gubin ngiyal’ ni ma maruwel nib gel ni nge ayuweg girdien e tabinaw rok

Be’ nib pin nib manigil e ir be’ nib ga’ fan e tirok Got ban’en u wan’

31:30

• Bay madgun Got u wan’ ma ku ma guy rogon ni nge chugur e tha’ u thilrow