Pumoon Rok e Ir “Be’ ni Yima Ta’ Fan” u Lan Binaw

Be’ nib pin nib manigil e rayog ni nge fal’eg thin e pumoon rok. Kakrom u nap’an Lemuel ni Pilung ma faanra ba manigil e ppin rok reb e pumoon ma re pumoon nem e ir “be’ ni yima ta’ fan” u lan binaw. (Pr 31:23) Ngiyal’ ney e bay boch e pumoon ni ku gad ma tay farad ni yad be pigpig ni yad boch e piin piilal nge ministerial servant. Ma faanra re piilal ney ara re ministerial servant ney e ir be’ nib mabgol, ma rogon nrayog ni nge rin’ e maruwel rok e be yan u rogon e ngongol rok en leengin nge ayuw ni ma pi’ ngak. (1Ti 3:4, 11) Faanra aray rogon reb e ppin mab ga’ fan u wan’ figirngin ma kub ga’ fan u wan’ e pi walag u lan e ulung.

Reb e ppin nib manigil e ma ayuweg e pumoon rok ni nge rin’ e maruwel rok ni aram e . . .

• ma yog boch e thin ngak nra pi’ e athamgil nga laniyan’.​—Pr 31:26

• ma pag ngki ayuweg yugu boch e walag u lan e ulung.​—1Th 2:7, 8

• ba fel’ u wan’ e tin ni bay rok ban’en.​—1Ti 6:8

• der ma fith murung’agen boch ban’en ndariy rogon ni nge nang.​—1Ti 2:11, 12; 1Pe 4:15