“Bay Gu Wan! Mu L’ugeg!”

Ba m’agan’ Isaiah ngay ni nge ognag ir ni nge rin’ e maruwel ni ka nog ngak, ere ba fel’ ni ngad folwokgad rok. I dag nib gel e michan’ rok ngak Got ma aram me ognag ir ni nge rin’ boch e maruwel ni yugu aram rogon ni gathi ri manang murung’agen. (Isa 6:8) Gur, rayog ni ngam thilyeg boch ban’en u rarogon e yafos rom ya nge yag nim pi’ e ayuw ko gin ni t’uf e ayuw riy ko machib? (Ps 110:3) Ra ngam rin’ ban’en ni aray rogon, ma thingar mu “tafinaynag rogon puluwon” u m’on ni ngam dugliy ni ngam rin’ e re n’em. (Lu 14:27, 28) Machane, thingari m’agan’um ngay ni ngam pag fan boch ban’en ni fan ko fare maruwel ni machib. (Mt 8:20; Mr 10:28-30) Fare video ni kenggin e Moving to Serve Where the Need Is Greater e ra tamilangnag ni ka boor e tow’ath ni ma pi’ Jehovah ngodad ko pi n’en ni kad paged fan.

TOMUREN NI KAN YALIY E RE VIDEO NEY, MIN PI’ E FULWEG KO PI DEER NI BAARAY:

• Mang boch ban’en ni ke pag fan girdien e tabinaw rok Brother Williams ya nge yag nra pied e ayuw ko machib ko fare binaw nu Ecuador?

• Mang boch ban’en nthingar ra lemnaged u nap’an ni ngar dugliyed e re binaw ni ir e nga ranod ngay ko machib?

• Mang boch e tow’ath ni yag ngorad?

• Faanra ga baadag ni ngkum nang boch murung’agen e gin nrayog ni ngam pi’ e ayuw riy ko machib, ma u uw e rayog ni ngam gay riy?

NAP’AN E YAY NI MIGID NI NGAM TED E TABINAW ROM E FOL BIBLE, MI GIMED WELIY E PI DEER NI BAARAY:

• Uw rogon nrayog ni ngam yoornaged chon e tabinaw rom e tayim ni fan ko machib? (km-E 8/11 4-6)

• Faanra dabiyog ni ngad pied e ayuw ko gin nib t’uf e ayuw riy ko machib, ma mang boch e kanawo’ nrayog ni ngad pied e ayuw riy ko ulung rodad? (w16.03-E 23-25)