Ke Fanay In e Girdi’ ni Ngar Duruw’iyed Bokum e Girdi’

Nap’an ni kari chugur ni ngan madnomnag fare madnom ko Paluk’af ko duw ni 32 C.E., me ngongliy Jesus reb e maang’ang. Ireray e re maang’ang ni bay murung’agen u lan fa aningeg i Gospel.

U daken e re maang’ang ney, me dag Jesus e kanawo’ u rogon e re yaram ni ka be ulul e girdi’ rok ni ngar fanayed e ngiyal’ ney.

14:16-21

• Ke yog Jesus ngak pi gachalpen ni ngar duruw’iyed bokum e girdi’ ni yugu aram rogon ni kemus ni lal yal’ e flowa nge l’agruw e nig ni bay rorad

• Tomuren ni pining Jesus e magar ngak Got, me fek fapi flowa nge nig nge pi’ ngak pi gachalpen ni ngar wereged ngak fapi girdi’

• Re n’ey e riyul’ nib maang’ang, ya tomuren ni abich e pi girdi’ nem ma boor e tin ni ke aw. Ere ke fanay Jesus in e girdi’ ni aram pi gachalpen ni ngar duruw’iyed bokum e girdi’

• Ke yiiynag Jesus nra taw ko tin tomuren e rran, ma ra dugliy ba ulung i girdi’ ni yad e ngar pied e ggan ni fan ko tirok Got ban’en ko “ngiyal’” nib t’uf ni ngan pi’ riy.​—Mt 24:45

• Nap’an e duw ni 1919, me dugliy Jesus fare “tapigpig nib yul’yul’ ma ba gonop” ara in ko pi Kristiano ni kan dugliyrad ni ngar duruw’iyed e “tin ni ka bay e tapigpig”

• I fol Jesus ko fare yaram ni un rin’ u nap’an e bin som’on e chibog ni aram e be fanay fachi ulung ni ngar duruw’iyed e girdi’ rok Got

Uw rogon nrayog ni nggu dag ni gu manang ma gu be tayfan fare yaram ni be fanay Jesus e ngiyal’ ney ni nge duruw’iy e girdi’ rok Got ko tirok ban’en?