Yugu aram rogon ni fare madnom ko Paluk’af e der dag yaan fare madnom ko Puguran, machane bay boch ban’en ni un rin’ u nap’an e Paluk’af nrayog ni ngad filed ban’en riy. Bod ni i yog apostal Paul ni Jesus e ir fare “saf rodad ko Paluk’af.” (1Ko 5:7) Mus ko fare racha’ ko saf ni un liyef nga barba’ i langan e mab rok piyu Israel e aram e n’en ni ayuweg e yafos rorad, ere ku arrogon e racha’ ku Jesus nrayog ni nge ayuweg e yafos rodad. (Ex 12:12, 13) Maku reb e, fare saf ni un fanay u nap’an e Paluk’af e dan t’ar e yil u ay. Ere ku arrogon Jesus ndan t’ar e yil u ay u nap’an nni li’ nge yim’, ni yugu aram rogon ni aram e n’en ni yima rin’ u nap’an ni ngan li’ be’ nge yim’.—Ex 12:46; Joh 19:31-33, 36.