“Gali Cha’ ni Got e Ke Chagiyrow . . .”

Rogon ko Motochiyel rok Moses e ra be lemnag reb e pumoon ni ngar dargow e ppin rok ma thingari fal’eg babyoren e machuw. Fan ni yima fal’eg babyoren e machuw e bochan ni nge ayuweg e mabgol ni nge dabi dar nib papey. Machane nap’an Jesus ma ke momnag e pi tayugang’ ko teliw rogon ni nge wer e mabgol. Ere yugu demtrug rogon ma rayog rok reb e figirngiy ni nge n’ag leengin. (“certificate of dismissal” study note ko Mr 10:4, nwtsty-E; “divorces his wife,” “commits adultery against her” pi study note ko Mr 10:11, nwtsty-E) Be tamilangnag Jesus nthingar da ted fan e mabgol ya Jehovah e ir e ke sunmeg e mabgol. (Mr 10:2-12) Ere nap’an nra mabgol l’agruw ni’, ma aram e kar parew “ni kar taab girdi’gow” nsusun ni ngar parew u taabang u n’umngin nap’an e yafos rorow. Rogon ni tamilangnag fare babyor rok Matthew e kemus ni ngiyal’ nrayog ni nge dar e mabgol riy e faanra ‘ke’ par bagayow fa wu’ i mabgol nge yugu be’ ni gathi mabgol rok. Ma re n’ey e taareb rogon ko n’en ni yog Mark.​—Mt 19:9.

Ngiyal’ ney e yooren e girdi’ e yad ma lemnag e mabgol ni bod ni ma lemnag e pi Farise ma gathi rogon ni ma lemnag Jesus. Aram fan nnap’an nra sum e magawon u lan e mabgol rorad, ma yad ba gur ni ngar chuwgad ko en mabgol rorad. Machane piin ni Kristiano nib mabgol e ba ga’ fan u wan’rad e pi n’en ni kar micheged u nap’an nra uned ko mabgol. Aram fan nnap’an nra sum e magawon u lan e mabgol rorad, ma yad ma guy rogon ni ngar folgad ko pi kenggin e motochiyel u Bible ni ngar pithiged e pi magawon ney. Ngan yaliy fare video ni kenggin e Love and Respect Unites Families, ngemu’ min pi’ e fulweg ko pi deer ni baaray:

• Uw rogon nrayog ni ngam fol ko fonow ni bay ko Proverbs 15:1 u lan e mabgol rom, ma mang nib ga’ fan e re n’ey?

• Faan ga ra fol ko fonow ni bay ko Proverbs 19:11, ma uw rogon nrayog ni ngam siyeg e magawon ni ma sum nga lan e mabgol?

• Faanra be n’en ni nge wer e mabgol rom, ma mang boch e deer nrayog ni ngam lemnag ko bin ni ngam lemnag ko ‘Nggu chuw ko en mabgol rog, fa’?

• Uw rogon nrayog ni nge mang faen figirngiy ara faen leengiy be’ nib fel’ ni faanra yow ra fol ko fare fonow ni bay ko Matthew 7:12?