Ra Ngad Leked Jesus, ma Mang e Ba T’uf ni Ngad Rin’ed?

9:62

Ra nge fal’eg reb e ta milay’ reb e une ni nge yan i aw nib fel’ mab k’iy, ma susun e dabi sap nga tomur. Ku arrogon e piin Kristiano nsusun e dab ra paged e pi n’en ni kar paged ko re fayleng ney ni nge chafeg lanin’rad nga bang.​—Fil 3:13.

Nap’an nra yib e magawon ngodad, ma yu ngiyal’ e gad ma sul ngad lemnaged e ngiyal’ ni baaram kafram ni ud rin’ed boch ban’en ni gad be lemnag ni gad ba felfelan’ ngay u nap’an ndawor da nanged e tin riyul’. Nap’an ni gad be lemnag e pi n’em, mab ga’ ni gad ma lemnag nib gel e felfelan’ ni ud ted ma buchuuw e magawon ni u darod u fithik’. Ku ireray rogon e lem ni tay piyu Israel u tomuren nra chuwgad u Egypt. (Nu 11:5, 6) Faanra ud lemnaged e pi n’ey, ma ra k’aringdad ni ngad sulod ngad rin’ed e pi n’en ni kad paged kafram. Machane n’en nib fel’ ni ngad rin’ed e ngad lemnaged e pi tow’ath ni bay rodad e chiney, mad tedan’dad nga rogon e felfelan’ nra yag ngodad boch nga m’on u tan Gil’ilungun Got!​—2Ko 4:16-18.