Rogon ni Ngan Yoloy Bangi Babyor

• Mu fanay e address rom. Faanra ga be lemnag nde fel’ ni ngam tay e address rom ma rayog ni ngam tay e address ko gin ni bay e Tagil’ e Liyor riy ni faanra ke pi’ e piin piilal mat’awum nrayog ni ngam rin’. Machane DARIY BA NGIYAL’ ni ngam fanay e address ko branch ofis.

• Mu tay fithingan facha’ nga but’ ni faanra ga manang. Fan e re n’ey e nge dabi lemnag facha’ nre gi babyor ney e bangi babyor ni bay rogon ko siyobay.

• Mu yoloy e spell u yu bugithin nib fel’ rogon mag tiyan’um nga mat’awun e thin ni ga be yoloy, mag fol u rogon e motochiyel ko yol. Ma thingari par e babyor rom nib beech mab yaram. Faanra kam yoloy bangi babyor, ma thingari mom rogon ni ngan beeg. Ma thin riy e thingari par u mathilin ndabi bod lingan ni gimew be sabethin be’ ara mu fanay yu bugithin nib mo’maw’ ni ngan nang fan.

Re babyor ney e be tamilangnag e pi n’ey. Gubin ngiyal’ ni ga ra yoloy bangi babyor ngak be’, ma dab mu yoloy gubin bugithin nga but’ nrogon ni bay ko re babyor ney. Mu yoloy e babyor rom ni nge yan i aw nib puluw nga fan ni kam yoloy ma kub puluw ko tin ni be buch ko gin ni be par facha’ riy nge yalen ko nam rok.