Uw Rogon u Wan’ Jehovah e Re N’ey?

U m’on ni ngad dugliyed ban’en ndemtrug ko ba ga’ ara ba achig, ma gur, gad ma fithed gadad ko, ‘Ireray e n’en nib m’agan’ Jehovah ngay, fa?’ Yugu aram rogon ndabiyog ni ngad nanged urngin ban’en u rogon ni ma lem Jehovah, machane ba gaman e fonow ni bay ko Thin rok u Bible ni be ayuwegdad u rogon ni ngad rin’ed “urngin mit” e maruwel nib fel’. (2Ti 3:16, 17; Ro 11:33, 34) Manang Jesus e n’en nib m’agan’ Jehovah ngay, ma aram e n’en ni mon’eg u lan e yafos rok. (Joh 4:34) Ere, thingar da folwokgad rok ni aram e ngad dugliyed boch ban’en nra felfelan’nag Jehovah.​—Joh 8:28, 29; Ef 5:15-17.

NGAN YALIY FARE VIDEO NI KENGGIN E KEEP PERCEIVING JEHOVAH’S WILL (LE 19:18), NGEMU’ MIN PI’ E FULWEG KO PI DEER NI BAARAY:

• Mang fan nthingar da folgad ko pi kenggin e motochiyel u Bible u lan e yafos rodad?

• Mang boch e pi kenggin e motochiyel u Bible nthingar da lemnaged u nap’an ni ngad dugliyed ko ba miti mang musik e ba fel’ ni ngad motoyilgad ngay?

• Mang boch e pi kenggin e motochiyel u Bible nthingar da lemnaged u nap’an ni ngad dugliyed rogon e munmad rodad nge rogon ni ngad fal’eged yaadad?

• Ku mang boch ban’en ni gad ma dugliy u lan e yafos rodad nthingar da puluwnaged ko pi kenggin e motochiyel u Bible?

• Uw rogon me yag nda mon’oggad u rogon ni ngad nanged e n’en nib m’agan’ Jehovah ngay?