Mu Chag ngak e Piin nib T’uf Jehovah Rorad

Mang fan nthingar da chaggad ngak e piin nib t’uf Jehovah rorad? Ya bochan ni piin ni gad ma chag ngorad e rayog ni ngar ayuweged gadad ni ngad rin’ed e tin nib fel’ ara ngad rin’ed e tin nib kireb. (Pr 13:20) Aram e n’en ni buch rok Jehoash ni Pilung. Som’on e i “rin’ e tin nib m’agan’ Somol ngay” u nap’an ni i chag ngak Jehoyada ni ir e Prist Nth’abi Tolang. (2Kr 24:2, BT) Machane nap’an ni yim’ Jehoyada, ma aram me digey Jehoash Jehovah ni bochan e ke tabab ni nge chag ngak boch e girdi’ nib kireb.​—2Kr 24:17-19.

U nap’an e bin som’on e chibog C.E., me taarebrogonnag apostal Paul fare ulung ni Kristiano ngab “naun ni ba ga’,” ma girdi’ riy e ke taareb rogonnagrad ko “plet” ara yugu boch ban’en ni yima fanay u lan e naun. Rayog ni ngad manged boch e girdi’ ni gad ma rin’ “boch ban’en nib fel’,” ni faan gad ra siyeg ni ngad chaggad ngak reb e walag u lan e ulung ara reb e girdi’ rodad ni be rin’ boch ban’en nde m’agan’ Jehovah ngay. (2Ti 2:20, 21) Ere manga yugu da ululgad ngad m’aged e fager ngak e piin nib t’uf Jehovah rorad maku yad ma pi’ e athamgil ngodad ni ngad pigpiggad ngak.

NGAN YALIY FARE VIDEO NI KENGGIN E LEARN TO REJECT BAD ASSOCIATION, NGEMU’ MIN PI’ E FULWEG KO PI DEER NI BAARAY:

• Uw rogon nrayog ni ngad chaggad ngak e piin ni yad be rin’ boch ban’en nib kireb ndarud nanged?

• Mang e ke ayuweg fa dalip i walag ni Kristiano ni nge dab kur chaggad ngak e piin ni yad be rin’ boch ban’en nib kireb nrogon ni kan dag ko fare video?

• Mang boch e kenggin e motochiyel u Bible nrayog ni nge ayuwegem ni ngam mel’eg e piin nib fel’ ni ngam chag ngorad?