Ngan “Dugliy e Piin ni Ngar Manged” Boch e Piilal

Tit 1:5-9

Ka nog ngak Titus ni nge “dugliy e piin ni ngar manged” boch e piilal ko ulung u lan reb e binaw ngu reb. Re yaram ney e ku ireray e n’en ni be fol e piin ni yad ma lekag e ulung riy e ngiyal’ ney u nap’an ni ngar dugliyed e piin ni ngar manged e piilal u lan e ulung.

FARE ULUNG NI MA POW’IYEY

Be fol fare Ulung ni Ma Pow’iyey ko n’en ni kan rin’ u nap’an e bin som’on e chibog ni aram e kar pied mat’awun e piin ni yad ma lekag e ulung ni ngar dugliyed e piin ni ngar manged e piin piilal nge ministerial servant.

PIIN NI YAD MA LEKAG E ULUNG

Fare piilal ni ma lekag e ulung e thingari fal’eg i yaliy murung’agen e piin ni ke yog e piilal u lan e ulung nrayog ni ngar manged boch e ministerial servant ara boch e piilal. Mab t’uf ni nge yibilay murung’agen e re n’ey u m’on ni nge dugliy ko mini’ e ke bung rogon ni nge mang e piilal.

PI PIILAL NI KAN DUGLIYRAD

Mus ni faanra kan dugliy be’ ni nge mang reb e piilal, machane kub t’uf ni nge athamgil ni nge par nib puluw e ngongol rok ko n’en ni be yog e Bible nthingari rin’ e piin piilal.