Piin ni Yad Ma Par nib Beech e Yad Ba T’uf rok Jehovah

“Mu luknag paam. Mu klinnag e singgil rom. Mu wolgiy lan e naun? Mmon’ e dow rom nga tafen e dow.” Boor e gallabthir e yad ma fil ngak pi fakrad ni ngar pared ni yad bbeech. Machane re n’ey e ban’en ni yib rok Jehovah. (Ex 30:18-20; De 23:14; 2Ko 7:1) Ere nap’an ni gad ra tay dowdad nib beech, nge chugum rodad nib yaram mab beech, ma aram e gad be pining e sorok ngak Jehovah. (1Pe 1:14-16) Ere uw rogon e tabinaw rodad nge lan e maror riy? Gadad e piin Kristiano e dab da ngongolgad nib bod e girdi’ ko re fayleng ney ni yad ma yon’ e dow u but’, ngu lan e kanawo’, nge gin ma yan e girdi’ ngay ko fafel. Ya ngad ted e re fayleng ney nib beech. (Ps 115:16; Re 11:18) Mus nga nochi ban’en ni gad ma rin’ ni bod e gin ni gad ma n’ag duguren e okas riy, nge kobre’ ko cola, nge duguren e ching gum, ma ra m’ug riy rogon ni gad ma lemnag rogon ni ngaun par nib beech. Ere susun ni gubin ban’en ni gad ma rin’ ma nge m’ug riy ni ‘gadad bogi tapigpig rok Got.’​—2Ko 6:3, 4.

NGAN YALIY FARE VIDEO NI KENGGIN E GOD LOVES CLEAN PEOPLE, NGEMU’ MIN PI’ E FULWEG KO PI DEER NI BAARAY:

• Mang boch ban’en ni ma tawey e girdi’ ngay ni aram tapgin ndab ra ted e chugum rorad nib beech?

• Uw rogon ni ke m’ug ko fare Motochiyel rok Moses rogon e lem rok Jehovah u rogon ni ngaun par ni yib beech?

• Uw rogon ni ngad pininged e sorok ngak Jehovah ni yugu aram rogon ndariy bugithin ni ka dogned?