Mang e N’en Nthabi’ Ga’ Fan u Wan’ug?

Ke fathal Jakob nge reb e engel ya nge yag ban’en nrib ga’ fan ngak ni aram e tow’ath rok Jehovah. (Ge 32:24-31; Ho 12:3, 4) Ma uw rogodad? Ba m’agan’dad ngay ni ngad athamgilgad u rogon nrayog rodad ni ngad folgad rok Jehovah ya nge yag ni tow’athnagdad, fa? Mang e gad ra rin’ ni faanra thingar da mel’eged ko ngad uned ko muulung ara ngkud yoornaged e awa ni ngad maruwelgad riy? Nap’an ni gad ra fanay e tayim rodad, nge gelngidad, nge tin bay rodad ban’en ni fan ngak Jehovah ma ra ‘puog nga dakendad e pi n’en nib fel’ nge pag e fol riy.’ (Mal 3:10) Gubin ngiyal’ nra pow’iydad me ayuwegdad miki pi’ e tin nib t’uf rodad.​—Mt 6:33; Heb 13:5.

NGAN YALIY FARE VIDEO DRAMATIZATION NI KENGGIN E STAY FOCUSED ON SPIRITUAL GOALS, NGEMU’ MIN PI’ E FULWEG KO PI DEER NI BAARAY:

• 

  Uw rogon ni n’en ni baadag e re walag nib pin ney e ke mang skeng ngak?

• 

  Uw rogon ni maruwel ni gad ma un ngay e rayog ni nge mang skeng ngodad?

• 

  Mang fan nib t’uf ni nge ulul Timothy i nameg boch ban’en ni yugu aram rogon ni ke mon’og ko tirok Got ban’en?​—1Ti 4:16

• 

  Uw rogon ni ngad daged ko mang e bin th’abi ga’ fan e maruwel ni gad ma rin’?