De Nang Farao ni Be Un i Lebguy e N’en nib M’agan’ Got Ngay ni Bochan nib Tolangan’

8:15, 18, 19; 9:15-17

Pi pilung nu Egypt e yad ma lemnag ni ku yad boch e got. Bochan e re n’ey, ma aram fan nrayog ni ngad nanged fan ni tolangnag Farao e lem rok ma mus ngak fapi tapig rok ma dabun ni nge motoyil ngorad, maku dabun ni nge motoyil ngak Moses nge Aron.

Me gur, nap’an nra yog be’ ban’en nib fel’ ni ngam rin’ ma ga ma motoyil, fa? Nap’an nra pi’ be’ e fonow ngom, mab ga’ fan u wan’um? Fa ga ma lemnag ni gubin ngiyal’ mab puluw e n’en ni ga be yog? Be gaar e Bible: “Tolangan’ e be sor i yan ko riya’.” (Pr 16:18, BT) Ere rib ga’ fan ni ngad guyed rogon ni nge dabi tolangan’dad!