BOCH E THIN NIB GA’ FAN KO THIN ROK GOT | EXODUS 10-11

Ke Dag Moses nge Aron Ndar Rusgow

10:3-6, 24-26, 28; 11:4-8

I dag Moses nge Aron ndar rusgow u nap’an ni kar nonow ngak Farao ni ir be’ e ngiyal’ nem nib gel lungun ma kub gel gelngin. Mang e ayuwegrow ni ngar rin’ew e re n’ey? Baaray e n’en ni yog e Bible u murung’agen Moses. Be gaar: “Michan’ rok Moses ngak Got e ir e pow’iy Moses nge yan nge chuw u Egypt nde tamdag ngak e pilung nu Egypt ni ke damumuw; ma de sul nga Egypt, ni bochan e gowa ke guy fare Got ndab ni guy nga owchey.” (Heb 11:27) Ere ba gel e michan’ rok Moses nge Aron ngak Jehovah ma ur taga’gow ngak.

Mang boch e kanawo’ nrayog ni ngam machibnag be’ riy nib tolang e liw rok ndab mu rus?

Bogi sasing ni bay u taabang: Boch e kanawo’ nrayog ni ngad daged riy ndarud rusgad. 1. Reb e pagel u skul nib sak’iy ndariy ban’en ni be yog u nap’an ni ke sak’iy boch e bitir nga lang ni ngar siro’gad ko flak. 2. Reb e walag ni pumoon nib sak’iy u p’eowchen e piin yad ma maruwel u tafen e puf oloboch. 3. Reb e walag ni kab pagel ni be pi’ bangi tract ngak be’ ni ke mada’nag u nap’an e machib ma bay be’ nib polis ni be yaliy.