Mu Par ni Gab Mudugil u M’on ni Nge Taw e Tomur

FAN NIB GA’ FAN: Bay boch ban’en nra buch nra skengnag rogon ni ngad pared ndab da rusgad nge rogon ni nge pagan’dad ngak Jehovah. Nap’an nra tabab fare gafgow nib ga’ ma yira thang e pi yurba’ i teliw ni googsur. (Mt 24:21; Re 17:16, 17) Ra yan i taw ko re ngiyal’ i n’em ma sana gad ra machibnag ndab ki n’uw nap’an ma bay ni thang e re m’ag nib kireb ney. (Re 16:21) Ku ra chel Gog nu Magog nge cham ngodad. (Eze 38:10-12, 14-16) Machane ra cham Jehovah ni pa’ e girdi’ rok ma ra tabab fare “mahl ni fan ko fare rran ni ba ga’ fan, ni Rran rok Got ni Gubin ma Rayog Rok.” (Re 16:14, 16) Ere faanra ngad pared ndab da rusgad ko pi n’ey, ma thingar da pared ni gad ba mudugil u fithik’ e pi skeng ni gad be mada’nag e ngiyal’ ney.

ROGON NI NGAN RIN’:

• Dab mu rus ni ngam fol ko pi motochiyel rok Jehovah.​—Isa 5:20

• Mu ulul ngaum liyorgad e pi walag u taabang. ​—Heb 10:24, 25

• Mu fol u rogon ni be pow’iyey e ulung rok Jehovah.​—Heb 13:17

• Mu fal’eg i lemnag rogon ni i ayuweg Jehovah e girdi’ rok kakrom.​—2Pe 2:9

• Mmeybil ngak Jehovah me pagan’um ngak. ​—Ps 112:7, 8

NGAN YALIY FARE VIDEO NI KENGGIN E FUTURE EVENTS THAT WILL REQUIRE COURAGE​—EXCERPT, NGEMU’ MIN PI’ E FULWEG KO PI DEER NI BAARAY:

• 

  Mang reb e ban’en ni buch ni skengnag e yul’yul’ rok boch e walag u nap’an ni kan puthuy e ulung rorad nga yugu boch e ulung?

• 

  Uw rogon nib peth fare lem ndabin rus nga rogon ni ngaun fol?

• 

  Mang fan nra t’uf ni nge dab da rusgad u nap’an nra taw e Armageddon?

• 

  Mang ban’en ni bay murung’agen u Bible nrayog ni nge ayuwegdad ngad gelnaged e michan’ rodad nrayog rok Jehovah ni nge ayuwegdad?​—2Kr 20:1-24