Rayog ni Ngam Fanay Gelngim nge Tayim Rom ni Ngam Pi’ e Ayuw, Fa?

Gad be guy rogon ni ke lebug e n’en ni ke yiiynag Isaiah ni aram e ke yoor girdien e ulung rok Jehovah e ngiyal’ ney. (Isa 54:2) Bochan e re n’ey, ma aram fan nib t’uf ni ngan toy boch e Tagil’ e Liyor nib beech, nge Assembly Hall, nge boch e branch ofis. Tomuren ni kan toy e pi naun ney, mab t’uf ni ngan ayuweg ni nge dabi kireb, maku bay boch ko pi naun ney nib t’uf ni ngan fal’eg e yungin ke kireb riy. Ere mang boch e kanawo’ nrayog ni ngad fanayed gelngidad nge tayim rodad riy ni fan ngak Jehovah?

• Rayog ni ngad pied e ayuw ko klin u Tagil’ e Liyor rodad u nap’an ni kan yarmiy ni nge klin e birodad e field service group ara group ni fan ko machib

• Rayog ni ngad ognaged gadad ni ngan skulnagdad u rogon ni ngad ayuweged Tagil’ e Liyor rodad

• Rayog ni ngad fal’eged fare babyor ni ka nog e Local Design/Construction Volunteer Application (DC-50) ngay, ya nge yag ni nge munmun mu ud pied e ayuw i toy ara ngan fal’eg e yungin ke kireb u boch e Tagil’ e Liyor nib chugur ngodad

• Rayog ni ngad fal’eged fare babyor ni ka nog e Application for Volunteer Program (A-19) ngay, ya nge yag nda pied e ayuw ko re Bethel ni bay u tan e branch rodad ara yugu reb e branch u lan reb e wik ara boch

NGAN YALIY FARE VIDEO NI KENGGIN E A NEW CONSTRUCTION PROJECT IS BEING PLANNED​—EXCERPT, NGEMU’ MIN PI’ E FULWEG KO PI DEER NI BAARAY:

• Mu weliy rogon ni ke yoor boch e video ni gad be fanay ni ka nap’an e duw ni 2014.

• Mang reb e maruwel ni yibe lemnag ni ngan tababnag ya nge yag ni ngan ngongliy e pi video nib t’uf ni fan ko liyor rodad? Uw n’umngin nap’an ni ngan rin’ e re n’ey?

• Uw rogon nrayog ni nge pi’ be’ e ayuw ko re maruwel ney?

• Faanra gad baadag ni ngad pied e ayuw ko dimow naun u Ramapo, ma mang fan nthingar da fal’eged fare babyor ni DC-50, ma gad pi’ e ayuw ko dimow naun ni ke yarmiy e Local Design/Construction ko gin nib chugur ngodad?

• Mang e mich riy ni be pow’iy Jehovah e re maruwel ney?

• Uw rogon nrayog ni ngad pied e ayuw ko re maruwel ney ni yugu aram rogon ndabiyog ni ngad pied e ayuw ko dimow naun?