N’EN NRAYOG NI NGAM RIN’ U NAP’AN E MACHIB | MU GELNAG E FELFELAN’ ROM U NAP’AN E MACHIB
Mu Guy Rogon ni Nge Taw Nga Gum’irchaen e Girdi’
Ra ngad folgad rok Got ma ban’en ni nge sum u gum’ircha’dad. (Pr 3:1) Aram fan nnap’an ni gad ra fil ban’en ngak be’, ma ngad guyed rogon ni nge taw nga gum’irchaen. Ni uw rogon?
Gathi kemus ni ngam fil e tin riyul’ u Bible ngak be’, ya ngkum ayuweg ni nge nang rogon nra yib angin ko yafos rok nge tha’ u thilrow Jehovah. Mu ayuweg ni nge nang rogon ni be m’ug e t’ufeg rok Got, nge rogon feni manigil, nge rogon feni mat’aw ko pi motochiyel u Bible. Mu fith boch e deer ngak u fithik’ e gonop nge sumunguy nra ayuweg ni nge fal’eg i lemnag e pi n’en be fil. Mu ayuweg ni nge nang rogon nra fel’ boch e par rok ni faanra thilyeg boch e lem nge ngongol ni ke mecham ngay nde puluw. Faanra ga be guy ni be dag nriyul’ nib t’uf Jehovah rok, ma ra gel boch e felfelan’ rom.
NGAN YALIY FARE VIDEO NI EXPERIENCE THE JOY OF DISCIPLE-MAKING—IMPROVE YOUR SKILLS—REACHING THE HEART, NGEMU’ MIN PI’ E FULWEG KO PI DEER NEY:
Mang fan ni gaar Neeta ngak Jade: “Kam lemnag e n’en kad weliyew ko fa rofen Montag?”
Uw rogon ni ayuweg Neeta Jade ni nge nang rogon ni be micheg e pi motochiyel nu Bible nib t’uf rok Jehovah?
Ra taw e tin gad be fil nga gum’irchaen be’, ma ra k’aring ni nge mon’og
Uw rogon ni ayuweg Neeta Jade ni nge dag nib t’uf Got rok?