Mu Ayuweg e Piin Ga Be Fil e Bible Ngorad ni Ngar Talgad i Rin’ Boch e Ngongol nib Kireb ni Kar Mechamgad Ngay

Yigoo piin nib beech e ngongol rorad e rayog ni nge chugur e tha’ u thilrad Jehovah. (1Pe 1:14-16) Nap’an nra tal e piin ma fil e Bible i rin’ boch e ngongol nib kireb ni kar mechamgad ngay, ma rayog ni nge yib angin ko tabinaw rorad, nge fithik’ i dowrad, miki yag ni ngar ayuweged e salpiy rorad.

Mu weliy rogon e ngongol ni baadag Jehovah ni ngan rin’, nge fan, nge angin nra yib riy. Ga ra ayuweg e piin ga be fil e Bible ngorad ni ngar thilyeged rogon e lem ni yad ma tay, ma aram e rayog ni ngar rin’ed e n’en nib m’agan’ Jehovah ngay. (Efe 4:22-24) Mmicheg nga lanin’rad nrayog ni nge ayuwegrad Jehovah ni ngar talgad i rin’ boch e ngongol nib kireb ni ke n’uw nap’an ni yad ma rin’. (2Ko 4:7) Mu fil ngorad ni ngar ninged e ayuw ngak Jehovah u nap’an nra yib e lumel ngorad ni ngar denengad. Mu ayuwegrad ni ngar nanged boch ban’en ni ma buch nra mo’maw’nag ngorad ni ngar rin’ed e tin nib fel’ nge rogon ni ngar siyeged e pi n’em. Mu pi’ e athamgil nga lanin’rad ni ngar rin’ed boch ban’en nra yib angin ngorad ko bin ni ngar rin’ed boch e ngongol nib kireb. Ga ra felfelan’ u nap’an ni ga ra guy e piin ga be fil e Bible ngorad ni yad be thilyeg e ngongol rorad u daken e ayuw rok Jehovah.

NGAN YALIY FARE VIDEO NI HELP YOUR BIBLE STUDENTS TO OVERCOME UNCLEAN HABITS, NGEMU’ MIN PI’ E FULWEG KO PI DEER NEY:

• 

  Uw rogon ni dag e piin piilal nge Neeta ni be pagan’rad ngak Jade?

• 

  Ku mang ayuw e pi’ Neeta ngak Jade?

• 

  Uw rogon ni ning Jade e ayuw ngak Jehovah?