Mu Fil Rogon ni Ngam Nang e Tin nib Fel’ ko Tin nib Kireb

Be’ ni ma un ngab mit e gosgos e thingari par ni be rin’ boch ban’en ni nge fal’eg rogon ko re gosgos nem ya nga i par nib salap riy. Ku arrogodad nib t’uf ni ngad ululgad i fil rogon ni ngad nanged e tin nib fel’ ko tin nib kireb, mu ud pared ni gad be rin’ e pi n’ey. (Heb 5:14) Yugu aram rogon ni kab mom ni ngad dugliyed boch ban’en ni bod rogon ni ke dugliy boch e girdi’, machane thingar da filed rogon ni ngad fal’eged i lemnag boch ban’en ma gad dugliy rodad e n’en ni ngad rin’ed. Mang fan? Bochan e ra bagadad ma ra weliy ngak Got e n’en ni i dugliy ni nge rin’.​—Ro 14:12.

Susun e dab da lemnaged nrayog ni ngad dugliyed boch ban’en nib fel’ ni bochan e ke yoor e duw ni kad uned ko taufe. Ra ngad dugliyed boch ban’en u fithik’ e gonop mab t’uf ni ngar da taga’gad ngak Jehovah, nge Thin rok, nge ulung rok.​—Jos 1:7, 8; Pr 3:5, 6; Mt 24:45.

NGAN YALIY FARE VIDEO NI “MAINTAIN A GOOD CONSCIENCE,” NGEMU’ MIN PI’ E FULWEG KO PI DEER NEY:

• 

  Mang e n’en nib t’uf ni nge dugliy Emma?

• 

  Mang fan ndab dogned e n’en gad be lemnag u murung’agen ban’en nsusun e ra be’ ma ir rok e nge dugliy ni be yan u rogon e nangan’ rok?

• 

  Mang fonow e pi’ ba wu’ i mabgol ngak Emma?

• 

  Uw e gin ni pirieg Emma boch ban’en riy nra ayuweg ko n’en be buch rok?