BOCH E THIN NIB GA’ FAN KO THIN ROK GOT

Mu Fol rok Jehovah u Polo’ i Gum’irchaem

I fol Kaleb rok Jehovah u polo’ i gum’irchaen u nap’an ni kab pagel (Jos 14:7, 8)

Boch nga tomuren me pagan’ Kaleb ngak Jehovah nra ayuweg ni nge lebguy reb e maruwel nib mo’maw’ ni kan pi’ ngak (Jos 14:10-12; w04 11/1 31 ¶3)

Kan tow’athnag Kaleb ko pigpig ni i tay ngak Jehovah u polo’ i gum’irchaen (Jos 14:13, 14; w07 1/1 10 ¶11)

Bogi sasing ni bay u taabang: Reb e walag nib pin ni ke pilibthir ni be athamgil ni yugu aram rogon ni bay boch ban’en ndabkiyog ni nge rin’. 1. Be kol e sog rok nib par nga but’ ma be meybil. 2. Yow be machib reb e walag ni kab rugod ko yungi n’en ni ma muulung e girdi’ ni yoor ngay. 3. Be dag boch e sasing ngak l’agruw e bitir ko ulung rok. 4. Be siminmin u fithik’ e pagan’.

Nap’an ni fol Kaleb ko n’en ni yog Jehovah ni ngan rin’ me guy rogon ni tow’athnag, ma aram me gel e michan’ rok. Ku arrogodad ni faanra i fulweg Jehovah taban e meybil rodad ma gad be guy rogon ni be pow’iydad, ma ra yib gelngidad ni ngad ululgad ko pigpig ni gad be tay ngak.—1Jo 5:14, 15.