Mabgol e Ban’en ni Nge Par u N’umngin Nap’an e Yafos

Faanra ba fel’ e mabgol rok l’agruw e Kristiano, ma aram e yira pining e sorok riy ngak Jehovah ma ra yibnag e felfelan’ ngorow. (Mr 10:9) Ra nge par e mabgol rok e piin Kristiano nib fel’ ma bay e felfelan’ riy, ma thingar ra folgad ko pi kenggin e motochiyel u Bible u nap’an ni yad be mel’eg e en ngar leayed.

Ba fel’ ni ngam puruy’nagew be’ e mabgol u tomuren ni kam pag e ‘bin baaram e yangar ni um moy riy nib gel e ar’ar u fithik’ i dowam ni ma tay e piin fel’ yangaren,’ ya ngiyal’ nem e kab mo’maw’ ngom ni ngam dugliy boch ban’en u fithik’ e gonop. (1Ko 7:36) Ba fel’ ni ngam fanay e ngiyal’ nem ndawor mu un ko mabgol ni ngam gelnag e tha’ u thilmew Got mag guy rogon ni nge yag boch i fel’ngin e Kristiano ngom. Faan ga ra rin’ e re n’ey, ma aram e nap’an ni ga ra un ko mabgol, ma boor ban’en nrayog ni ngam rin’ ni nge fel’ e mabgol rom.

U m’on ni nge m’agan’um ngay ni ngam leay be’, mab t’uf ba ngiyal’ ni ngarim nang ‘laniyan’’ facha’ ara bin riyul’ i rarogon. (1Pe 3:4) Faanra bay boch ban’en u rarogon facha’ ni be tabab ni nge maruwar u wan’um, mi gimew weliy u taabang. Mabgol e taareb rogon ko tha’ u thilmed yugu boch e girdi’, ya nap’an ni ga ra un ngay ma susun e nge m’on u wan’um e tin rayog ni ngam rin’ ni fan ko en mabgol rom, ma gathi tin nge fel’ ngom e ir e ngaum lemnag. (Fil 2:3, 4) Faan ga ra fol ko pi kenggin e motochiyel u Bible u m’on ni ngam un ko mabgol, ma ra mom ni ngam ulul i rin’ e re n’ey u tomuren ni kam un ko mabgol ya nge yag ni par e mabgol rom ni bay e felfelan’ riy.

NGAN YALIY FARE VIDEO NI PREPARING FOR MARRIAGE​—PART 3: “CALCULATE THE EXPENSE,” NGEMU’ MIN PI’ E FULWEG KO PI DEER NEY:

• Uw rogon ni i chugur i yan e tha’ u thilin fare walag nib pin nge Shane?

• Munmun ma mang e tabab ni nge nang fare walag nib pin u rarogon Shane?

• Uw rogon ni ayuweg e gallabthir rok, ma mang e n’en nib fel’ ni dugliy?