BOCH E THIN NIB GA’ FAN KO THIN ROK GOT

Ra Ayuwegem Jehovah ni Ngam Rin’ Boch e Maruwel nib Mo’maw’

Ba ga’ fan e maruwel nib milfan ko pi Levite ni yad ma matanagiy e garog (1Kr 9:26, 27; w05 11/1 29 ¶8)

Finehas e ir e en nib tolang rok e piin yad ma matanagiy e garog ko tabernacle ko ngiyal’ ni immoy Moses riy (1Kr 9:17-20a)

I ayuweg Jehovah Finehas ni nge rin’ e maruwel rok (1Kr 9:20b; w11 9/15 32 ¶7)

Bogi sasing ni bay u taabang: 1. Reb e walag nib pin ni kab rugod ni be yan u reb e masin nib ga’ ni yima fanay ko dimow naun. 2. Ba wu’ e mabgol ni kar pilibthirgow ni yow be machib u telefon. 3. Ba wu’ e mabgol ni yow be machib ko gin t’uf e ayuw ko machib riy.

Boor e maruwel nib ga’ fan ni ke pi’ Jehovah ngodad ni ngad rin’ed. Faanra gathi rib tamilang u wan’um rogon ni ngam rin’ reb e maruwel ni kan pi’ ngom, mag meybil ngak Jehovah mag ning e ayuw ngak reb e Kristiano ni ke ilal ko tirok Got ban’en.—Fil 2:13.