I pi’ David boch e pumoon ni yad ba salap ko maruwel ni ngar maruwelgad rok Solomon nge mam’en fare tempel ni ngan toy

BOCH E THIN NIB GA’ FAN KO THIN ROK GOT

Mu Ayuweg e Piin Fel’ Yangaren ni Ngar Felfelan’gad

Manang David ni faanra ayuweg Jehovah Solomon, ma rayog ni nge yarmiy rogon e maruwel ni yira tay ko fare tempel (1Kr 22:5; w17.01 28 ¶8)

I pi’ David e athamgil nga laniyan’ Solomon ni nga i taga’ ngak Jehovah me rin’ e n’en nib t’uf ni nge rin’ (1Kr 22:11-13)

I rin’ David urngin e tin rayog rok ni nge ayuweg Solomon (1Kr 22:14-16; w17.01 27 ¶7; mu guy e sasing ni bay u wuru’ e re ke babyor ney)

Bogi sasing ni bay u taabang: 1. Reb e piilal ni be fil ngak reb e walag ni kab pagel rogon ni nge yarmiy e gin ma machib e ulung riy. Be dag fare piilal e map ngak ni yaan e pi binaw ni ma machib e ulung riy, nge babyoren e territory ni yibe pi’ ko pi walag, nge bangi map ni be dag yaan e re territory nem. 2. Be weliy fare walag ni kab pagel ngak yugu reb e walag ni pumoon rogon ni nge fanay bang e re map nem.

MU FITHEM NI NGE LUNGUM, ‘Uw rogon nrayog ni nggu ayuweg e piin fel’ yangaren u lan e ulung rog ni ngar pirieged e felfelan’ ko pigpig ni yad be tay ngak Jehovah?’—w18.03 13-14 ¶14-15.