BOCH E THIN NIB GA’ FAN KO THIN ROK GOT

Mu Gonopiy e En Ngam Mel’eg ni Ngam Mabgolgow

De gonop Solomon ya leay boch e ppin ni yad ma liyor ko got ni googsur (1Ki 11:1, 2; w18.07 16 ¶7)

Munmun me k’aring e pi ppin nem Solomon ni nge palog rok Jehovah (1Ki 11:3-6; w19.01 15 ¶6)

Ri damumuw Jehovah ngak Solomon (1Ki 11:9, 10; w18.07 17 ¶9)

Bogi sasing ni bay u taabang: Reb e walag nib pin nib muchugbil ni be fol Bible ni yigoo ir ma be lemnag reb e walag ni pumoon ni kub muchugbil. 1. Fare walag ni pumoon e be pi’ e fulweg u nap’an e muulung. 2. Be un ko machib ko yungi n’en ma muulung e girdi’ ni yoor ngay. 3. Be pi’ e ayuw ni ngan fal’eg e yungin ke kireb ko Tagil’ e Liyor.

Be fonownag e Thin rok Got e pi Kristiano ni yad ba muchugbil ni ngar mabgolgad “nrogon e mabgol ni ma tay e piin ni girdien Kristus.” (1Ko 7:39) Yugu aram rogon ma gathi be yip’ fan nra ba taufe be’, ma aram e ba fel’ ni ngan leay. Gur, ra ayuwegem facha’ ni ngam ulul ko pigpig ni ga be tay ngak Jehovah u polo’ i gum’irchaem, fa? Ke n’uw nap’an ni be dag facha’ nrib t’uf Jehovah rok, fa? U m’on ni nge m’agan’um ngay ni ngam leay be’, mab t’uf ni ngam tay ba ngiyal’ ni ngam nang rarogon facha’ nib fel’ rogon.