TIN MA RIN’ E PIIN KRISTIANO
Mu Taga’ Ngak Jehovah u Nap’an ni Be Gafgownagem Be’
Piin yad ma gafgownag yugu boch e girdi’ e rayog ni ngar gafgownaged gadad mar kirebnaged lanin’dad. Faan gad ra rus ngorad u nap’an ni yad be togopuluw ko liyor ni gad be tay, maku rayog ni ngar warnaged e tha’ u thildad Jehovah. Ere uw rogon nrayog ni ngam ayuwegem rok be’ ni aray rogon?
Boor e tapigpig rok Jehovah ni kar taga’gad ngak ma ke yag ni ngar gelgad ko pi girdi’ ney. (Ps 18:17) Bod ni yog Esther ngan nang e n’en ke lemnag Haman ni nge rin’ ni ir be’ nib kireb. (Es 7:1-6) Machane u m’on ni nge rin’ e re n’ey, me dag ni be taga’ ngak Jehovah ni aram e pag e abich. (Es 4:14-16) I tow’athnag Jehovah ko n’en ni rin’ me ayuwegrad e girdi’ rok.
Piin fel’ yangaren, faanra be gafgownagmed be’ mi gimed ning e ayuw ngak Jehovah, mu kum weliyed e magawon romed ngak be’ nib ilal ni bod e gallabthir romed. Rayog ni nge pagan’med ngay nra ayuwegmed Jehovah ni bod ni ayuweg Esther. Ere mang e ku rayog ni ngam rin’ed ni ngam ayuwegmed rok e piin ma gafgownag e girdi’?
NGAN YALIY FARE VIDEO NI MY TEEN LIFE—HOW CAN I COPE WITH BULLYING? NGEMU’ MIN PI’ E FULWEG KO GAL DEER NEY:
Mang e rayog ni nge fil e piin bitir nge piin fel’ yangaren ko n’en ni rin’ Charlie nge Ferin?
Mang e rayog ni nge fil e piin gallabthir ko n’en ni yog Charlie nge Ferin u rogon ni ngar ayuweged pi fakrad ya nge yag nra ayuweged yad rok be’ ni ma gafgownag e girdi’?