Gubin Yang ni Be Gafgow e Girdi’ Riy ni Bochan e Fanenikan

Gubin ngiyal’ ni yibe weliy ko news murung’agen e girdi’ ni yad be dag e fanenikan u daken e thin ni yad ma yog, ara internet, ara babyor ni yad be yoloy ngaur pied ngak boch e girdi’, ara fanenikan ni yad be dag ngak yu ulung i girdi’. Ku boor e girdi’ ni yad be gafgow ni bochan e laniyan’, nge moning, nge thin nib kireb, nge boch e thin ni yibe yog ni nge k’aring e marus ngorad, nge chugum rorad ni yibe kirebnag. Gubin yang ni bay e fanenikan riy!

Re ke babyor ney e be weliy rogon nrayog ni nge tal e fanenikan. Re n’ey e gathi ban’en ni kemus ni yibe lemnag machane dabiyog ni nge buch, ya ban’en nib riyul’ ma be buch rok boch e girdi’ u ga’ngin yang e fayleng.