Piin Yad Ba Yul’yul’ e Ur Ted u Gil’ e Tin Ur Micheged

Mu beeg e Judges 11:​30-40 ni ngam fil murung’agen Jefthah nge fare rugod ni fak nge rogon ni ngad ted u gil’ e tin kad micheged.

Mu yaliy e thin ni bay u m’on ngu tomuren e re thin ney. Uw rogon u wan’ e girdi’ nu Israel ni yad ba yul’yul’ e tin kar micheged ngak Jehovah? (Num. 30:2) Uw rogon ni dag Jefthah nge fare rugod ni fak nib mich Jehovah u wan’row?​—Judg. 11:​9-11, 19-24, 36.

Mu gay murung’agen boch ban’en riy. Mang e micheg Jefthah ngak Jehovah, ma mang e be yip’ fan? (w16.04 7 ¶12) Mang e pag Jefthah nge fare rugod ni fak farow riy ya nge yag nra tew u gil’ e tin ke micheg Jefthah? (w16.04 7-8 ¶14-16) Mang boch ban’en nrayog ni nge micheg e piin Kristiano e ngiyal’ ney?​—w17.04 6-9 ¶10-19.

Mu lemnag e n’en kam fil mag fol riy. Mu fithem ni nge lungum:

• ‘Mang e rayog ni nge ayuwegeg ni nggu tay u gil’ e n’en nug micheg u nap’an nug ognageg ngak Got?’ (w20.03 13 ¶20)

• ‘Mang boch ban’en nrayog ni nggu pag fan ya nge yag ni nggu pigpig ngak Jehovah nib fel’ rogon?’

• ‘Mang e rayog ni nge ayuwegeg ni nggu tay u gil’ e n’en nug micheg ko en mabgol rog u nap’an nug mabgolgow?’ (Matt. 19:​5, 6; Efe. 5:​28-33)