Tang 20 (45)

Ngan Meybil Min Pining e Magar

(Psalm 65:⁠2)

1. Bay rogon ni ngan n’ufem O Jehovah;

Gamad ma n’ufem u fithik’ e tang

Gamad ma yib ngom u fithik’ e meybil

Ni bochan e ri ga ma runguymad.

Gamad ma oloboch u gubin e rran.

Gamad ma ning ni ngam n’ag fan romad.

Rachaen Fakam e ke biyuliymad.

Ba t’uf romad ni ngam ayuwegmad.

2. Ra falfalan’ e piin ni kam piningrad

Ngar bad nga tafenam ko tamilang.

Ba thothup tagil’im; mab fel’ e Thin rom.

Ke falfalan’mad ni bochan felngim.

Bay madgum romad ya gelngim nib mat’aw,

Nap’an e tomur ra m’ay e wagey!

Nguugu n’ufed e Gagiyeg rom Somol.

Thingar gu wereged ya ra riyul’.

3. Ra falfalan’ e girdi’ ni bocham;

Yira liyor ngom u fayleng iyan.

Bayi m’ug e Gagiyeg rom ni rib gel,

Ma ra m’ay e m’ar, yam’, nge kireban’.

Ra chuweg Fakam e girdi’ nib kireb,

Ma ra falfalan’ e girdi’ nib fel’.

Ngada pininged e magar ngak Somol:

‘Ba Sorok Jehovah ni ke Pilung!’