“Dabug”
1 Aram e n’en ni ma yog boor e girdi’ u boch e binaw. Mang e ra ayuwegdad ndabi mulan’dad u nap’an ni dabug e girdi’ e machib? Uw rogon rayog ni ngad k’aringed e girdi’ ngar adaged fare thin nib fel’?
2 Ngan Par nib Falfalan’: Gad ra par nib falfalan’ ni faan dab da paged talin ko mang fan ni boor e girdi’ ma dubrad e machib. Boor e girdi’ ma kan skulnagrad ko machib ko evolution fa kan chuguliyrad u bang ni ma lemnag e girdi’ ni dariy Got me ere dar lemnaged ko uw fene ga’ fan e thin ko Bible. Ma boch e girdi’ e ke chuwan’rad ya kar guyed e girdi’ ko teliw ni yad be dake modingnagrad. Ma boch e girdi’ ma dubrad e machib ya ke chalban’rad ma yad be lemnag ni dariy e athap. (Efe. 2:12) Boch e girdi’ ma ‘dar tedan’rad’ ya ke tomal lanin’rad ko pi magawon ko par.—Matt. 24:37-39.
3 Yugu demtrug ko uw rogon e machib u wan’ e girdi’ ma gad ba falfalan’ ngay ya gad manang ni athamgil ni gad be tay e be n’uf Jehovah. (1 Pet. 4:11) Maku faan gad ra weliy u murung’agen e thin nriyul’ ko girdi’ ni mus ni piin ni dawora ted fan e machib ma aram e ma gelnag e michan’ rodad. Ngad athamgilgad ni nge taab lanin’dad Jehovah uw rogon e girdi’ u wan’dad. Ke runguy piyu Nineveh ni “dar nanged ba’ ni mat’aw pa’rad ko ba’ ni gilay’.” (Jonah 4:11) Girdi’ u lan e territory rodad e ba t’uf rorad fare thin nib fel’! Ere susun dab da talgad i wereg e machib ya ngad gayed rogon ni ngad puged e tafinay rorad ko thin ko Bible.
4 Ngan Weliy u Murung’agen e Pi N’en nib M’ag ko Binaw: Rayog ni ngam weliy u murung’agen ban’en ni be magawonnag laniyan’ e girdi’ u lan e binaw ma ngam fith fare householder ni nge weliy e lem rok. Ngam motoyil u nap’an ni be non, ma ngam dag ko mang e be yog e Bible ni ra pi’ e athamgil nga laniyan’. Tomren ni buch ban’en nib kireb ma ke weliy reb e Mich ni ke kireban’ ngay u nap’an ni be machib u mit e tabinaw i yan. Ke gaar: “Ma ri ba adag e girdi’ ni ngar weliyed u murung’agen e re n’em. Bochan ni kug dag ni gu be lemnagrad ma boor e girdi’ ni kug sabethingad.”
5 Ra reb e magawon ko girdi’ e yira pithig u daken Gil’ilungun Got. Ngam guy rogon ni ngam nang ko mang e be magawonnag laniyan’ be’. Sana ra pag ni ngam weliy e thin ko Bible ni be pi’ e athap. Faanra danga’ ma sana ra motoyil “yugu ba ngiyal’.”—Acts 17:32.