Tang 56 (135)

Jehovah, Kam Par ni Gur e Tabinaw Romad

(Psalm 90:⁠1)

1. O Got, gur e tabinaw romad,

Ka nap’an e ngiyal’ kakrom.

Dawor mu sunumeg e fayleng,

Ma kan pining e sorok ngom.

Gur e Got ni dabi math biid;

Damur ma thil ni manemus.

Demtrug ke sul e girdi’ ko but’,

Machane ga ra runguymad.

2. Bbiyu’ e duw e rib n’uw nap’an,

Ma bod e fowap u wan’um.

Girdi’ e bod e pan ni tugul

Ni kadabul, me mororoy.

Meruk i ragag e duw romad,

Faanra ba gel gelngimad;

Yima mon’ognag e magawon,

Ma yima rin’ e tin kireb.

3. Mu fil ngomad rogon e yafos,

Ni gamad ra falfalan’ ngay.

Ra yog ni yib e gonop ngomad,

Gu pininged e magar ngom.

Nge falfalan’um ngay, Jehovah,

Mu runguy e tapigpig rom.

Mu pow’iymad u gubin ban’en

Gamad be rin’ nra aw nib fel’.