Tang 3 (6)

Ngan Wereg Fare Thin nib Fel’

(Revelation 14:​6-8)

1. Engel rok Got e be yan u fayleng iyan

Be par u lang ma be wereg e thin nib fel’.

Yog ni ngan n’uf Got me yib madgun u wan’uy

Min liyor ngak Jehovah ni yigoo ir.

Ya ke taw ko ngiyal’ nra pi’ Got e pufthin

Ma piin kireb e ra nang fan nib gel gelngin.

Ere dabni rus ni ngan wereg e machib

Ya ngan wereg e thin nib fel’ u gubin yang.

2. Nge mu’ ma mang e migid ni yog e engel

Ma Pi Mich Rok Jehovah e yad be un ngay?

Ke yog nra war e Babylon nib Gilbugwan,

Ndabi n’uw nap’an ma ra yib Got ma ra thang.

Ke tay chilen Jehovah ni ngada wereged

E pufthin rok min nog ni ir e ani sorok.

Baga’ e gin ni nga darod ko machib riy

Ma engel rok Got e be pow’iydad iyan.

3. Fa en ni Fak Got nge gubin e engel rok.

E be tabab ni nge pufthinnag e pi nam.

Dabi rin’ e saf e kireb me rin’ e fel’

Min rus ku Got min fol ko pi motochiyel rok.

Ban’en ni tay Somol chilen ni ngad rin’ed

Ngan wereg fare thin nib fel’ ni bay ko Thin Rok Got.

Gadad e pi tapigpig ma gad ma gaar,

“Mired mu liyorgad ku Got; ngan falfalan’.”