Tang 12 (32)

“U Mit e Tabinaw Iyan”

(Acts 20:⁠20)

1. U mit e tabinaw iyan,

Ngan nog e thin rok Got.

U ba binaw iyan nga reb,

Pi saf e yibe gay.

Fare thin nib fel’ ko am rok Got,

ni wod ni yog Jesus,

Be wereg e Kristiano

U fayleng ni polo’.

2. U mit e tabinaw iyan,

Flaab e yibe yog.

Ra yib ngak e piin ni yad

Be yog fithingan Got.

Ma uw rogon ni yad ra yog

Nfaanra dar nanged?

Ere fare ngochol nib thothup

E ngan weliy ngorad.

3. Ma gathi gubin e ngiyal’

E yad ra motoyil;

Boch e girdi’ e ra puwan’

Boch e ra ning telrad.

Aram rogon nap’an Jesus;

Gathi gubin nra fol

Piin ni saf e ra rung’ag;

Ere dabda talgad.

4. Darod u mit e tabinaw

Ngan wereg e machib

Ma girdi’ e ra yog ni yad

E saf ara kaming.

Ma nga dogned fithingan Got

Nge thin riyul’ nrib fel’.

Nap’an ni ngada machibgad

Yira pateg e saf.