Tang 58 (138)

Nga Darod Got u Taabang!

(Mikah 6:⁠8)

1. Nga darod Got u taabang;

Ngada golgad ngak e girdi’.

Mu pired ni gimed yul’yul’ ku Got;

Me pi’ Got gelngimed.

Mu folgad ko pi n’en nib riyul’,

Ma dab mfol ko girdi’;

Ma ra pow’iyem Got iyan,

Ni ga bod e bitir rok.

2. Nga mu par ni gab machalbog;

Ni dab mu un ko denen.

Mu ilal iyan ko tirok ban’en

Ma ga fel’ u wan’ Got.

Ngu umu lemnag e tin nib fel’,

Ngam ngongol nib yal’uw,

Um par ni ke k’adan’um ngay,

Ma ga pagan’um ngak Got.

3. Mu fol rok Got ni gab yul’yul’,

Ma aram ma rayog ngom

E bin nib riyul’ e falfalan’,

Ma bin ni th’abi fel’.

Mu fol rok Got; mu falfalan’

Ni ngam n’uf fithingan.

Rayog ngodad e falfalan’

Ko Gil’ilungun Got.